اسلام آباد…ملک کے چھوٹے بڑے شہروں میں جشن عید میلاد النبیﷺ کے جلوس اور ریلیاں نکالی جارہی ہیں۔اس موقع پر سیکیورٹی کے سخت ترین انتظامات کیے گئے ہیں۔ اسلام آباد سمیت چاروں صوبائی دارلحکومتوں کراچی، پشاور، کوئٹہ اورلاہور میں میلاد النبیﷺ کے جلوس نکالے جارہے ہیں اور جلسے منعقد کئے جارہے ہیں۔ ضلع بدین کے مختلف شہروں سمیت خیر پور، گھوٹکی ، نوشہرو فیروز، جیکب آباد ،کشمور ،کندھ کوٹ سمیت دیگر شہروں سے جشن عید میلاد النبی کی ریلیاں نکالی جارہی ہیں۔چیچہ وطنی میں مرکز اہلسنت نور المساجد سے، بورے والا میں مرکزی جلوس جامع غلہ منڈی سے اورملک وال میں مرکزی جلوس میلاد چوک سے نکالا گیا ہے۔مظفر گڑھ میں 54جلوس نکالے جارہے ہیں۔ بہاول نگر میں مرکزی جلوس چوک فورہ سے ،بہاول پورمیں مرکزی جلوس میلاد چوک سے اوراحمد پورشرقیہ میں مرکزی جلوس منیرشہید چوک سے نکال رہا ہے۔ڈیرہ اسماعیل خان اور لکی مروت میں جشن عید میلاد النبی کیجلوس نکالے جارہے ہیں۔بنوں کا جلوس میلاد پارک پہنچ کر ختم ہوگیا۔ خضدارمیں مرکزی جلوس غوثیہ مسجد سے نکالا گیا۔