09 اکتوبر ، 2018 
اراکین اسمبلی کو نظریہ پاکستان کی آگاہی کیلئے درخواست جمع کرانے والے کو جرمانہ
09 اکتوبر ، 2018
لاہور ہائیکورٹ نے ممبران قومی اسمبلی کے لیے اسلامی تعلیمات اور نظریہ پاکستان کی آگاہی کے لیے درخواست جمع کرانے والے شخص کو جرمانہ کرتے ہوئے درخواست مسترد کردی۔
لاہور ہائیکورٹ کے جسٹس شاہد وحید نے ایڈووکیٹ محمد سعد سلیم کی جانب سے جمع کرائی گئی درخواست پر سماعت کی۔
درخواست گزار نے مؤقف اختیار کیا کہ ممبران قومی اسمبلی کے لیے اسلامی اور ملکی تاریخ سے آگاہی ضروری ہے، اراکین کی اکثریت اسلامی قوانین اور پاکستان کی تاریخ سے آگاہ نہیں ہے۔
درخواست میں کہا گیا کہ پاکستان کی نمائندگی کرنے والے ممبران کو ملکی معلومات ہونی چاہیے، دنیا بھر کے پارلیمنٹیرینز اپنے ممالک کی تمام تفصیلات سے مکمل طور پر آگاہ ہوتے ہیں۔
درخواست گزار نے استدعا کی کہ ممبران قومی اسمبلی کے لیے اسلامی تعلیمات اور نظریہ پاکستان کے لیے نصاب مقرر کرنے کا حکم دیا جائے۔
درخواست گزار ایڈووکیٹ محمد سعد سلیم کی جانب سے وفاقی حکومت اور الیکشن کمیشن کو فریق بنایا گیا تھا۔
عدالت نے درخواست ناقابل سماعت قرار دے کو مسترد کر دی اور درخواست گزار کو 30 ہزار روپے جرمانہ بھی کردیا۔
مزید خبریں :
ملتان میں فضائی معیار آج بھی انتہائی مضر صحت
2 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
10 گھنٹے پہلے
