28 اکتوبر ، 2018
سماجی رابطے کی مقبول ایپ واٹس ایپ میں صارف کو اپنے جذبات کا اظہار کرنے کے لیے ایموجیز کے بعد اب جلد ہی اسٹیکرز بھی دستیاب ہوں گے۔
واٹس ایپ کمپنی کے مطابق ممکنہ طور پر آئندہ ہفتوں میں اینڈرائڈ اور آئی او ایس صارفین واٹس ایپ میں ایموجیز کے علاوہ اسٹیکرز بھی استعمال کرسکیں گے۔
فی الحال واٹس ایپ میں اسٹیکز شامل کرنے کی آزمائش جاری ہے جس کو ابھی صرف واٹس ایپ ڈیزائن کرنے والی ٹیم اور کچھ محدود فنکار ہی استعمال کرسکتے ہیں۔
واٹس ایپ اسٹیکرز کو گوگل پلے اسٹور یا کسی اور ایپ اسٹور سے انسٹال کر سکتے ہیں جو انسٹال ہونے کے بعد خودکار طریقے سے ایپ کا حصہ بن جائیں گے۔
اس کو چیٹ میں استعمال کرنے کے لیے ایک مخصوص آپشن فراہم کیا جائے گا جس پر کلک کر کے صارف چیٹ میں اسٹیکر استعمال کرسکے گا۔
ان میں سے بھی جو صارف کا پسندیدہ اسٹیکر ہوگا یعنی جسے بار بار استعمال کیا جا رہا ہوگا اسے فیورٹس کی فہرست میں شامل کرسکتے ہیں۔
اسٹیکرز کو فعال ہونے میں کچھ وقت لگے تاہم آغاز میں 12 اسٹیکرز پیک شامل کیے گئے ہیں جن میں کپی، سالٹی، کومو اور دیگر شامل ہیں۔