13 نومبر ، 2018 
پاکستان
وزیراعلیٰ سندھ نے ان گاڑیوں کی نیلامی کا حکم دیا تھا: ویڈیو اسکرین گریب
سندھ حکومت کی کئی ناکارہ گاڑیاں غائب ہونے کا انکشاف
13 نومبر ، 2018
کراچی: سندھ حکومت کی متعدد قیمتی ناکارہ سرکاری گاڑیاں غائب ہونے کا انکشاف ہوا ہے۔
جیونیوز کے مطابق سابق وزیراعلیٰ سندھ قائم علی شاہ کے دور میں استعمال ہونے والی قیمتی سرکاری گاڑیاں کراچی میں واقع بلوچستان ہاؤس کے احاطے میں موجود ہیں جہاں ان کی نمبر پلیٹس سمیت پرزے بھی غائب ہوچکے ہیں۔
ذرائع نے انکشاف کیا ہےکہ ان ناکارہ گاڑیوں میں سے کئی گاڑیاں غائب بھی ہوچکی ہیں۔
وزیراعلیٰ سندھ مراد علی شاہ نے ان تمام گاڑیوں کی نیلامی کا حکم دیا تھا اور محکمہ ٹرانسپورٹ نے گاڑیوں کی نیلامی کے لیے ستمبر 2018 میں فیصلہ بھی کیا تھا۔
