14 نومبر ، 2018 
فیصل آباد: مشتعل وکلاء کی سیشن کورٹ اور ڈی سی آفس میں گھس کر ہنگامہ آرائی
14 نومبر ، 2018
فیصل آباد:ہائیکورٹ بینچ کے قیام کے لیے احتجاج کے دوران وکلا نے سیشن کورٹ میں توڑ پھوڑ کی جب کہ ڈی سی آفس میں گھس کر زبردستی اجلاس بھی ختم کرادیا۔
جیونیوز کے مطابق فیصل آباد کے یونیورسٹی روڈ پر وکلاء نے ہائیکورٹ بینچ کے قیام کے لیے احتجاج کیا اور اس دوران مشتعل وکلاء سیشن کورٹ کے احاطے میں ہنگامہ آرائی پر اتر آئے اور توڑ پھوڑ شروع کردی۔
وکلاء نے عدالتی کارروائی کا مکمل بائیکاٹ کیا اور سیشن کورٹ کے داخلی دروازے کو تالے لگا کر بند کردیا جب کہ سائلین کو بھی آنے سے روک دیا۔
مشتعل وکلاء احتجاج کرتے ہوئے قریب ہی موجود ڈپٹی کمشنر کے دفتر میں بھی گھس گئے جہاں ہنگامہ آرائی کی۔
اس دوران جب وکلاء کو علم ہوا کہ ڈی سی او دفتر میں موجود نہیں اور ساتھ ہی کمیٹی روم میں اجلاس میں مصروف ہیں تو وکلاء کا ایک گروپ کمیٹی روم میں بھی جاگھسا اور اجلاس کے دوران ہنگامہ آرائی کی۔
وکلاء کی ہنگامہ آرائی پر کمیٹی روم میں خواتین سمیت دیگر اسٹاف خوفزدہ ہوگیا جب کہ وکلاء نے ڈپـٹی کمشنر کی زیرصدارت ہونے والا اجلاس زبردستی ختم کرادیا۔
مزید خبریں :
کسان اتحاد کا زرعی ٹیکس کے خلاف احتجاج کا اعلان
5 گھنٹے پہلے
پی ٹی آئی کے ایک اور نائب صدر عہدے سے مستعفی
8 گھنٹے پہلے
