پاکستان کا نصر میزائل کا ایک اور کامیاب تجربہ

پاکستان نے کم فاصلے تک زمین سے زمین پر ہدف کو نشانہ بنانے والے نصر بیلسٹک میزائل کا ایک اور کامیاب تجربہ کیا ہے۔

پاک فوج کے شعبہ تعلقات عامہ (آئی ایس پی آر)کے مطابق چیئرمین جوائنٹ چیفس آف اسٹاف کمیٹی جنرل زبیر محمود حیات اور دیگر متعلقہ حکام نے تجربے کا معائنہ کیا ۔

آئی ایس پی آر کے بیان میں کہا گیا ہے کہ تجربہ مشقوں کے دوسرے مرحلے میں دوبارہ اور میزائل تجربہ پڑوسی ملک کے میزائل پروگرام کو سامنے رکھ کر کیا گیا۔

اس موقع پر جنرل زبیر محمود حیات نے کہا کہ کامیاب میزائل تجربے پر سائنسدان اور انجینئر مبارکباد کے مستحق ہیں۔

آئی ایس پی آر کے مطابق صدرمملکت ، وزیراعظم، مسلح افواج کے سربراہان نے کامیاب تجربے پر سائنسدانوں، انجنیئرز کو مبارک باد دی ہے۔