15 فروری ، 2019 
اسلام آباد یونائیٹڈ نے پی ایس ایل کے افتتاحی میچ میں لاہور قلندرز کو شکست دے دی
15 فروری ، 2019
دبئی: اسلام آباد یونائیٹڈ نے پاکستان سُپر لیگ کے چوتھے ایڈیشن کے افتتاحی میچ میں لاہور قلندرز کو 5 وکٹوں سے شکست دے دی۔
دفاعی چیمپئن اسلام آباد یونائیٹڈ کے کپتان محمد سمیع نے ٹاس جیت کر پہلے فیلڈنگ کا فیصلہ کیا تو لاہور قلندرز نے 20 اوورز میں 8 وکٹ کے نقصان پر 171 رنز بنائے۔
دفاعی چیمپئن اسلام آباد یونائیٹڈ نے ہدف باآسانی 19.2 اوورز میں 5 وکٹوں کے نقصان پر حاصل کرلیا، حسین طلعت 37، لیوک رونچی 27 اور کیمرون ڈیلپورٹ نے 24 رنز بنا کر آؤٹ ہوئے جب کہ آصف علی نے شاندار بیٹنگ کرتے ہوئے 36 اور فہیم اشرف نے 23 رنز کی ناقابل شکست اننگز کھیلی۔
لاہور قلندرز کی جانب سے راحت علی نے 4 وکٹیں حاصل کیں جب کہ کارلون بریتھ وٹ ایک وکٹ لینے میں کامیاب رہے۔
اس سے قبل لاہور قلندرز نے پہلے بیٹنگ کی تو اوپنر فخر زمان 65 رنز بناکر نمایاں رہے، سہیل اختر 37، اے بی ڈیویلیئرز 24 اور اینٹون ڈیوچ 14 رنز بنا کر آؤٹ ہوئے، اسلام آباد کی جانب سے فہیم اشرف نے دو کھلاڑیوں کو آؤٹ کیا۔
اس سے قبل یہ دونوں ٹیمیں پی ایس ایل میں 6 بار مدمقابل آئیں، 3 مرتبہ اسلام آباد نے میدان مارا تو 2 بار بازی جیتی لاہور قلندرز نے جبکہ ایک میچ ٹائی ہوا۔
مزید خبریں :
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
