19 اپریل ، 2019 
پاکستان
مسافر بس مورجھر کے قریب الٹ گئی، جاں بحق افراد میں 7 مرد، ایک خاتون اور بچہ شامل ہے۔ فوٹو: فائل
مٹھی سے کراچی آنے والی مسافر بس کو حادثہ، 8 افراد جاں بحق
19 اپریل ، 2019
بدین: مورجھر کے قریب مسافر بس الٹ گئی جس کے نتیجے میں 8 افراد جاں بحق اور 32 زخمی ہوگئے۔
پولیس کے مطابق مسافر بس مٹھی سے کراچی جارہی تھی کہ نامعلوم وجوہات کی بنا پر الٹ گئی، حادثے کے فوری بعد لوگوں کی بڑی تعداد موقع پر جمع ہوگئی اور زخمیوں کو قریبی اسپتال منتقل کردیا۔
حادثے کے جاں بحق 7 افراد میں 6 مرد، ایک خاتون اور ایک بچہ شامل ہے، حادثے کے متوفی پرکاش، تیرتھ، بیوش کا تعلق مٹھی جبکہ زینب کا کلوئی سے ہے۔
پولیس کے مطابق جاں بحق ڈرائیور مانو اور کنڈکٹر رمضان کا تعلق میانوالی سے ہے، متوفی عبداللہ، بچی اینا اور عمر کا تعلق بدین سے ہے جب کہ 2 زخمیوں کو تشویشناک حالت میں کراچی منتقل کر دیا گیا۔
