Can't connect right now! retry

پاکستان
03 مئی ، 2019

'نوازشریف جرم کی نہیں، عوام کی آواز بننے کی سزا بھگت رہا ہے'

 نوازشریف کی قربانیاں جتنی سخت ہیں، ان کا پھل بھی اتنا ہی میٹھا ہوگا، مریم نواز کی ٹوئٹ— فوٹو:فائل  

لاہور: سابق وزیراعظم نواز شریف کی صاحبزادی مریم نواز کا کہنا ہے کہ 'نوازشریف کسی جرم کی سزا نہیں بلکہ عوام کی آواز بننے کی سزا بھگت رہا ہے۔'

سپریم کورٹ نے آج صبح سابق وزیراعظم نواز شریف کی ضمانت میں توسیع اور بیرون ملک علاج کے لیے جانے کی درخواستیں مسترد کردیں تھیں۔

فیصلے پر ردعمل کا اظہار کرتے ہوئے سابق وزیراعظم کی صاحبزادی مریم نواز نے اپنی ٹوئٹ میں کہا کہ 'نوازشریف کسی جرم کی سزا نہیں بلکہ عوام کی آواز بننے کی سزا بھگت رہا ہے۔'

انہوں نے کہا کہ نوازشریف کی قربانیاں جتنی سخت ہیں، ان کا پھل بھی اتنا ہی میٹھا ہوگا اور ان کی قربانیوں کا پھل قوم کی آنے والی نسلوں کے لیے ہے۔

ان کا کہنا ہے کہ میں ایک بار پھر کہتی ہوں کہ نوازشریف آپ کا سر جھکنے نہیں دیں گے کیوں کہ یہ ساری جدوجہد قوم کے لیے ہے۔

یاد رہے کہ احتساب عدالت نے 24 دسمبر 2018 کو العزیزیہ اسٹیل ملز ریفرنس کا فیصلہ سناتے ہوئے نواز شریف کو 7 سال قید کی سزا سنائی تھی جس کے بعد وہ لاہور کی کوٹ لکھپت جیل میں سزا کاٹ رہے تھے، جنہیں بعدازاں طبی بنیادوں پر سپریم کورٹ نے 6 ہفتوں کیلئے ضمانت دی تھی جس کی مدت 7 مئی کو ختم ہورہی ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM