Can't connect right now! retry

'آج بھی وہ دن یاد ہے جب کوئی سپورٹ نہیں تھی'

اداکارہ مایا علی—. انسٹاگرام فوٹو

پاکستانی اداکارہ مایا علی نے فوٹو شیئرنگ ایپ انسٹاگرام پر 2.1 ملین فالوورز ہونے پر خوشی سے نہال ہیں اور انہوں نے مداحوں کا شکریہ ادا کرتے ہوئے اپنے کیرئیر سے متعلق یادیں شیئر کی ہیں۔

اداکارہ نے اپنے تمام فین پیجز کے فالوورز کی ڈسپلے پکچر پوسٹ کرتے ہوئے لکھا کہ مجھے اب تک ٹی وی پر اپنا پہلا دن یاد ہے جب میرے پاس کوئی سپورٹ نہیں تھی، مایا علی صرف ایک نام تھا لیکن میرا حوصلہ بلند تھا۔

اداکارہ لکھتی ہیں کہ ’میرے بہت سے خواب تھے جو مجھے پورے کرنے تھے، مجھے اس وقت کسی مداح یا سوشل میڈیا کا اندازہ نہیں تھا پھر ایک دن میں بازار گئی جہاں دو لڑکیاں میرے پاس آئیں اور پوچھا کہ آپ سنڈریلا ہیں جس پر میں نے انکار کرتے ہوئے کہا کہ میں مایا ہوں‘۔


مایا علی نے بتایا کہ کچھ دیر بعد مجھے احساس ہوا کہ وہ دونوں میرے ڈرامہ سیریل ’سنٖڈریلا‘ کے بارے میں بات کر رہی تھیں اور اس وقت مجھے بے انتہا خوشی کا احساس ہوا۔

اداکارہ نے اپنے کیرئیر کا تجربہ شیئر کرتے ہوئے بتایا کہ وقت گزرتا رہا میں نے اپنے اداکاری کے کیرئیر پر توجہ دی لوگوں نے میرے کام کو پسند کرنا شروع کیا ساتھ ہی تنقید بھی ہوئی لیکن میں نے تمام ردعمل کو کھلے دل سے تسلیم کیا‘۔


اداکارہ لکھتی ہیں کہ ’جب بھی میں ماضی کی اُن پوسٹ کو دیکھتی ہوں جس میں مجھے ٹیگ کیا گیا تھا میرے رونگٹے کھڑے ہوجاتے ہیں اور بہت سی یادیں تازہ ہوجاتی ہیں‘۔

یاد رہے کہ مایا علی نے گزشتہ برس کی سب سے کامیاب فلم ’طیفا ان ٹربل‘ میں گلوکار و اداکار علی ظفر کے ساتھ شاندار ڈیبیو دیا تھا اور اب وہ فلم ’پرے ہٹ لو‘ کی عکس بندی میں مصروف ہیں۔



مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM