شیخوپورہ … شیخوپورہ میں جیولر کی ایک دکان سے ڈاکو لاکھوں روپے مالیت کا سونا اور زیورات لوٹ کر فرار ہو گئے،،لوگوں نے ہمت کا مظاہرہ کرکے ایک ڈاکو کو پکڑ لیا،،ڈکیتی کی اس واردات کی سی سی ٹی وی فوٹیج جیو نیوز کو مل گئی ہے۔ فوٹیج کے مطابق شیخوپورہ مین بازار میں واقع حاجی فضل الٰہی زرگر کی دکان میں 4ڈاکو دکان میں داخل ہوتے ہیں اور اطمینان کے ساتھ ریک سے سونا سمیٹے ہیں، اسی دوران ایک ڈاکو ملحقہ ورکشاپ میں چلا جاتا ہے ،موقع تان کر وہاں موجود ایک گاہک ہتھوڑے سے ڈاکو پر حملہ کر دیتا ہے،ڈاکو کی فائرنگ سے ایک شخص زخمی ہو جاتا ہے، لیکن وہاں موجود افراد ڈاکو کو جکڑے رکھتے ہیں،ڈاکو کے ساتھی فرار ہو جاتے ہیں۔دکانداروں نے پکڑے گئے ڈاکو کی خوب درگت بنانے کے بعد اسے پولیس کے حوالے کر دیا، ڈاکو اپنا نام شبیر اورخود کو عارف والا کا رہائشی بتاتاہے،اس کا کہنا ہے کہ ساہیوال جیل میں قید کے دوران وہ ڈاکووٴں کے گروہ میں شامل ہوا۔ تاجروں نے واقعے کے بعدٹائر جلا کر سرگودھا روڈ بلاک کر دی اور پولیس کے خلاف شدید نعرے بازی کی،انہوں نے کہا کہ ون فائیو پر کال کے باوجودپولیس ایک گھنٹہ لیٹ پہنچی۔ ایم این اے میاں جاوید لطیف نے موقع پر پہنچ کر تاجروں سے اظہار یکجہتی کیا اورپولیس کو ڈاکووٴں کی گرفتاری کیلئے4دن کی مہلت دی،انہوں نے کہا کہ پولیس نے ڈاکو نہ پکڑے تو وہ بھی تاجروں کے ساتھ احتجاج میں شامل ہوں گے۔