میرپور: زلزلے سے خوفزدہ مریضوں کا اسپتال میں رہنے سے انکار

میرپور: آزاد کشمیر میں زلزلے سے خوفزدہ مریضوں نے اسپتال کی عمارت میں رہنے سے انکار کردیا۔

آزاد کشمیر: زلزلے سے ہلاکتوں کی تعداد 37 ہو گئی

زلزلے سے متاثر علاقوں میں امدادی کارروائیوں کا سلسلہ جاری ہے، زخمیوں کو مختلف اسپتالوں میں طبی امداد فراہم کی جا رہی ہے

میرپور کے ڈی ایچ کیو اسپتال میں زیر علاج مریوں نے زلزلے سے خوفزدہ ہوکر اسپتال کی عمارت میں رہنے سے انکار کردیا اور مریضوں نے اسپتال کی پارکنگ میں ڈیرے ڈال لیے۔

اسپتال کی بلڈنگ میں نہ جانے والے مریضوں کو نئی بلڈنگ میں منتقل کرنےکا فیصلہ کیا گیا ہے جس کے لیے سیکریٹری ہیلتھ سے منظوری لے لی گئی ہے۔

اسپتال حکام کا کہنا ہےکہ 75 میں سے صرف 6 مریضوں کو اسپتال میں داخل کرایا گیا ہے اور جو مریض اسپتال کے اندر نہیں رہنا چاہتے ان کے لیے اسپتال کے لان میں ٹینٹ لگا دیا گیا ہے۔