23 نومبر ، 2019 
پاکستان
جاں بحق ہونے والے تینوں نوجوانوں کا تعلق ضلع نوشہرو فیروز کے علاقےمورو سے ہے جو پکنک منانے کراچی آئے تھے— فوٹو:فائل
پکنک کیلئے کراچی آنے والے 3 افراد سمندر میں ڈوب کر جاں بحق
23 نومبر ، 2019
کراچی میں منوڑہ کے قریب سمندر میں ڈوب کر 3 افراد جاں بحق ہوگئے۔
ریسکیو ذرائع کے مطابق 3 نوجوانوں کے ڈوبنے کا واقعہ منوڑہ کے قریب پیش آیا، واقعے کے فوری بعد ریسکیو ادارے کی بحری خدمات کی ٹیم نے ان کی تلاش کی کوششیں شروع کردیں۔
تلاش کے دوران سمندر سے تینوں افراد کی لاشیں برآمد ہوئیں جنہیں قانونی کارروائی کےلیے سول اسپتال منتقل کردیا گیا۔
ذرائع کے مطابق مرنے والے تینوں نوجوانوں کا تعلق ضلع نوشہرو فیروز کے علاقےمورو سے ہے اور تینوں پکنک منانے کراچی آئے تھے۔
