24 اگست ، 2012 
وزیر اعظم کی مزید ایک ہزار یوٹیلٹی اسٹورز کھولنے کی ہدایت
24 اگست ، 2012
اسلام آباد … وزیراعظم راجا پرویز اشرف نے وزارت پیداوار کو ملک کے دور دراز علاقوں میں مزید ایک ہزار یوٹیلٹی اسٹورز کھولنے کی ہدایت کر دی۔ ترجمان وزیراعظم ہاوٴس کے مطابق پاکستان مسلم لیگ کے سربراہ چوہدری شجاعت حسین اور نائب وزیراعظم چوہدری پرویز الٰہی نے وزیراعظم راجا پرویز اشرف سے اسلام آباد میں ملاقات کی، اس موقع پر ملک کی موجودہ سیاسی صورتحال اور حکومتی معاملات پر بھی بات کی گئی۔ چوہدری پرویز الٰہی نے وزیراعظم کو وزارت پیداوار، خصوصاً یوٹیلیٹی اسٹورز کی کارکردگی سے متعلق بریف کیا۔ وزیراعظم نے اس موقع پر ملک بھر میں یوٹیلٹی اسٹورز کی مزید ایک ہزار برانچز قائم کرنے کی ہدایات جاری کیں۔ بعد میں وزیراعظم سے وفاقی وزیر خزانہ ڈاکٹر عبدالحفیظ شیخ نے بھی ملاقات کی اور ملک کی موجودہ معاشی صورتحال پر بریفنگ دی۔ انہوں نے بتایاکہ پبلک سیکٹر ڈیولپمنٹ پروگرام کے تمام فنڈز ریلیز کردیئے گئے ہیں۔
مزید خبریں :
امریکا میں سفارتکاری: بلاول بمقابلہ بینظیر بھٹو
7 گھنٹے پہلے
گوادر میں زلزلے کے جھٹکے، شدت 3 ریکارڈ
11 گھنٹے پہلے
کراچی اور اورماڑہ میں زلزلے کے جھٹکے محسوس کیے گئے
08 جون ، 2025
