Can't connect right now! retry

دنیا
22 مئی ، 2020

وائٹ ہاؤس کا سابق خانساماں کورونا وائرس سے ہلاک

فوٹو: بشکریہ بی بی سی

وائٹ ہاؤس میں طویل عرصے خدمات انجام دینے والے سابق خانساماں کورونا وائرس سے ہلاک ہوگئے۔

برطانوی نشریاتی ادارے کے مطابق 91 سالہ ولسن جرمن نے امریکا کے 11 صدور کے لیے خدمات انجام دیں اور تقریباً 5 دہائیاں وائٹ ہاؤس میں گزاریں، وہ وائٹ ہاؤس میں طویل عرصہ خدمات انجام دینے والے ملازمین میں شامل ہیں۔

ولسن جرمن نے 1957 سے 2012 تک وائٹ ہاؤس میں کلینر، خانساماں اور ڈورمین کے طور پر خدمات انجام دیں۔

انہوں نے وائٹ ہاؤس میں اپنے کیرئیر کا آغاز 1957 میں صدر آئزن ہاور کے دور سے کیا اور صدر اوبامہ کے دور تک وائٹ ہاؤس میں خدمات انجام دیں۔

میڈیا رپورٹ کے مطابق ولسن جرمن وائٹ ہاؤس میں پہلے کلینر کے طور پر کام کرتے تھے جنہیں سابق خاتون اول جیکی کینیڈی نے خانساماں کے طور پر ترقی دی تھی۔

برطانوی میڈیا کا بتانا ہےکہ ولسن جرمن کورونا وائرس میں مبتلا تھے اور ان کی گزشتہ ہفتے موت واقع ہوئی۔

امریکی صدر اوبامہ اور ان کی اہلیہ نے ولسن جرمن کی خدمات کو خراج عقیدت پیش کیا ہے۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM