Can't connect right now! retry

پاکستان
16 ستمبر ، 2020

ڈاکٹر ماہا کے والد نے تحقیقات کیلئے میڈیکل بورڈ تشکیل دینےکی درخواست دے دی

درخواست میں کہا گیا ہے کہ ڈاکٹر ماہا شاہ کو موت سے قبل زہر اور بہت زیادہ ڈرگز دی گئی تھی،فوٹو:فائل

کراچی کے علاقے ڈیفنس میں مبینہ خود کشی کرنے والی ڈاکٹر ماہا کے والد آصف علی شاہ نے میڈیکل بورڈ تشکیل دینے کے لیے عدالت میں درخواست جمع کرادی۔

ڈاکٹر ماہا کے والد نے بیٹی کی مبینہ خودکشی کیس کی ازسرنو تحقیقات کے لیے میڈیکل بورڈ تشکیل دینے کی درخواست ایڈیشنل ڈسٹرکٹ اینڈ سیشن جج جنوبی کی عدالت میں دائر کی ہے۔

 آصف علی شاہ نے درخواست میں مؤقف اختیارکیا ہے کہ پولیس نے واقعے کو خودکشی قرار دیا اور اسی اعتبار سے شواہد جمع کیے جب کہ پوسٹ مارٹم کرنے والے ڈاکٹر نے بھی رپورٹ غلط دی، اس لیے معاملے کی ہر سطح سے تحقیقات کے لیے میڈیکل بورڈ تشکیل دیا جائے اور  قبر کشائی ،پوسٹ مارٹم اور مزید میڈیکل معائنے کی اجازت دی جائے۔

درخواست میں کہا گیا ہے کہ ڈاکٹر ماہا شاہ کو موت سے قبل زہر اور بہت زیادہ ڈرگز دی گئی تھی۔

واضح رہے کہ گذشتہ ماہ کراچی کے علاقے ڈیفنس میں ڈاکٹر ماہا شاہ نے مبینہ طور پر خود کو گولی مار کر خود کشی کرلی تھی، واقعے کا مقدمہ ان کے والد کی مدعیت میں درج کیا گیا ہے۔

میڈیکل بورڈ تشکیل دینے کے لیے درخواست کی سماعت 19 ستمبر کو ہوگی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM