30 ستمبر ، 2020 
طیاروں کے ٹائر فراہم کرنے والی کمپنی کا پی آئی اے کے ساتھ 2 لاکھ ڈالر کا فراڈ
30 ستمبر ، 2020
وفاقی تحقیقاتی ایجنسی (ایف آئی اے) نے قومی ائیرلائنز (پی آئی اے)کے ساتھ فراڈ کرنے والی کمپنی کے خلاف مقدمہ درج کرلیا۔
ڈپٹی ڈائریکٹر ایف آئی اے عبدالرؤف کے مطابق طیاروں کے ٹائر فراہم کرنے والی کمپنی پر پی آئی اے کے ساتھ 2 لاکھ ڈالر کے فراڈ کا الزام ہے۔
ایف آئی حکام کے مطابق 2008 سے 2017کے فارنزک آڈٹ کے دوران پتہ چلا کہ ایویان ایرو نامی کمپنی نےبغیر مال دیے تقریباً 2 لاکھ ڈالر پی آئی اے سے وصول کرلیے۔
تحقیقات کے بعد ایف آئی اےکارپوریٹ کرائم سرکل نے کمپنی کے خلاف مقدمہ درج کرلیا ہے۔
رپورٹ کے مطابق سابق چیئرمین پی آئی اے نے ایویان ایروکمپنی کو بطور وینڈر ان لسٹ کیے جانے کی منظوری دی تھی۔
ڈپٹی ڈائریکٹر ایف آئی اےکاکہنا ہے ادارے کو نقصان پہنچانے والے اہلکاروں کا تعین بھی کیا جائےگا۔
