بیوی سے علیحدگی کا انتقام، داماد نے سابق ساس پر تیزاب پھینک دیا
01 اکتوبر ، 2020
لیہ میں داماد نے اپنی سابقہ ساس پر تیزاب پھینک دیا جس پر خاتون کی حالت تشویشناک ہوگئی۔
لیہ کے تھانہ صدر کی حدود چک نمبر 150 میں ملزم غلام اکبر نے اپنی بیوی سے 2 سال قبل علیحدگی اختیارکرلی تھی۔
پولیس کے مطابق ملزم رات گئے اس کےگھر میں داخل ہوا اور سابقہ بیوی کی والدہ پر تیزاب پھینک دیا۔
پولیس کا کہنا ہےکہ ملزم نے رشتہ ختم ہونے پر انتقامی کارروائی کی جس کے بعد وہ فرار ہوگیا۔
پولیس نے مقدمہ درج کرکے ملزم کی تلاش شروع کردی ہے جب کہ اسپتال ذرائع کے کا بتانا ہےکہ خاتون کاچہرہ بری طرح جھلس گیا اور ان کی ایک آنکھ ضائع ہونے کا خدشہ ہے۔
