کراچی .. . کراچی میں گارمنٹس فیکٹری میں لگنے والی خوفناک آتشزدگی سے جاں بحق افراد کی تعداد57 تک جا پہنچی ہے جبکہ31 جھلس کر زخمی ہیں،گورنر سندھ نے شہر میں یوم سوگ کا اعلان کردیا ہے ۔ریکسکیوذرائع کے مطابق آگ سے متاثر فیکٹری میں ابھی تک لوگ پھنسے ہوئے ہیں اور فیکٹری کے اندر سے لوگ مدد کے لیے پکار رہے ہیں جس کے بعد ریکسکیوا ٓپریشن کو مزید تیز کردیا گیا ہے اور ریکسکیو اہلکار فیکٹری کے اندر جانے کی کوششیں کررہے ہیں۔جاں بحق افراد میں سے 3 کی شناخت ہو گئی، شناخت کیے جانے والوں میں 22 سالہ مصطفی ولد موحد خان عمر، 19سالہمحمدعالم ولد حاجی اخلاص عمر اور 25سالہ مزمل عمر شامل ہیں۔کراچی میں بلدیہ ٹاون نمبر 2میں گارمنٹس فیکٹری میں آگ لگنے کے12 گھنٹے بعد بھی آگ پرمکمل قابو نہیں پایا جاسکا ہے جبکہ 40 سے زائد فائر ٹینڈرز آگ بجھانے میں مصروف ہیں۔ 8 گھنٹے بعد ریکسکیو اہلکار دیوار توڑ کر فیکٹری میں داخل ہوگئے ہیں۔فیکٹری میں دلخراش مناظر دیکھنے میں آرہے ہیں اور کئی افراد کی جھلسی ہوئی لاشیں نکال لی گئیں ہیں جبکہ مزید کی تلاش جاری ہے۔گورنر سندھ ڈاکٹر عشرت العباد نے فیکٹری میں لگنے والی آگ کے ذمے داران کے خلاف کارروائی کا اعلان کردیا ہے۔سول اسپتال کے سینئر ایم ایل او کے مطابق سول اسپتال میں لائی جانیوالی کچھ لاشیں انتہائی مسخ شدہ ہیں، کچھ لوگ دم گھٹنے سے بھی جاں بحق ہوئے ہیں۔ فیکٹری میں آگ سے بچنے کیلئے درجنوں افراد نے چھلانگ لگا کر جان بچائی، چھلانگیں لگاتے ہوئے افراد کی فوٹیج جیو نیوز کو موصول ہوگئی جس میں لوگوں نے چوتھی منزل سے چھلانگیں لگائیں ۔ کچھ لوگ رسیوں کی مدد سے نیچے اترنے میں کامیاب ہوئے۔