کراچی. . . .کراچی میں گارمنٹس فیکٹری میں لگنے والی خوفناک آتشزدگی سے جاں بحق افراد کی تعداد60 سے تجاوز کرگئی جبکہ متعدد افراد زخمی ہیں۔جاں بحق افراد میں سے 25سے زائد لاشوں کی شناخت ہوگئی ہے۔گورنر سندھ نے شہر میں یوم سوگ کا اعلان کردیا ہے ۔ریکسکیوذرائع کے مطابق آگ سے متاثر فیکٹری میں ابھی تک لوگ پھنسے ہوئے ہیں اور فیکٹری کے اندر سے لوگ مدد کے لیے پکار رہے ہیں جس کے بعد ریکسکیوا ٓپریشن کو مزید تیز کردیا گیا ہے اور ریکسکیو اہلکار فیکٹری کے مزیداندر جانے کی کوششیں کررہے ہیں۔جاں بحق افراد میں شناخت کیے جانے والوں میں 22 سالہ مصطفی ولد موحد خان عمر، 19سالہمحمدعالم ولد حاجی اخلاص عمر اور 25سالہ مزمل عمر شامل ہیں۔اسپتال انتظامیہ کے مطابق سول اسپتال میں اب تک 31 سے زائد لاشیں جبکہ جناح اسپتال میں اب تک 23 سے زائد لاشیں منتقل کی گئی ہیں۔ایم ایل او سول اسپتال کے مطابق 25 سے زائد لاشوں کی شناخت ہو گئی، لاشیں انتہائی مسخ ہونے کے باعث شناخت میں مشکلات کا سامنا ہے جبکہ کچھ لوگ دم گھٹنے سے بھی جاں بحق ہوئے ہیں۔کراچی میں بلدیہ ٹاون نمبر 2میں گارمنٹس فیکٹری میں آگ لگنے کے13 گھنٹے بعد بھی آگ پرمکمل قابو نہیں پایا جاسکا ہے جبکہ 40 سے زائد فائر ٹینڈرز آگ بجھانے میں مصروف ہیں۔فیکٹری میں دلخراش مناظر دیکھنے میں آرہے ہیں اور کئی افراد کی جھلسی ہوئی لاشیں نکال لی گئیں ہیں جبکہ مزید کی تلاش جاری ہے۔گورنر سندھ ڈاکٹر عشرت العباد نے فیکٹری میں لگنے والی آگ کے ذمے داران کے خلاف کارروائی کا اعلان کردیا ہے۔ فیکٹری میں آگ سے بچنے کیلئے درجنوں افراد نے چھلانگ لگا کر جان بچائی، چھلانگیں لگاتے ہوئے افراد کی فوٹیج جیو نیوز کو موصول ہوگئی جس میں لوگوں نے چوتھی منزل سے چھلانگیں لگائیں ۔ کچھ لوگ رسیوں کی مدد سے نیچے اترنے میں کامیاب ہوئے۔