پاکستان
13 ستمبر ، 2012
13 ستمبر ، 2012 
اسلام آباد، خیبرپختونخوا اور گلگت بلتستان میں زلزلے کے جھٹکے
13 ستمبر ، 2012
اسلام آباد … دارالحکومت اسلام آباد سمیت خیبرپختونخوا اور گلگت بلتستان کے کچھ علاقوں میں زلزلے کے جھٹکے محسوس کئے گئے ہیں، ریکٹر اسکیل پر شدت 4.9 ریکارڈ کی گئی۔ محکمہ موسمیات کے مطابق اسلام آباد اور گرد و نواح میں زلزلے کے جھٹکے محسوس کئے گئے ہیں جبکہ پشاور، سوات، دیر، بونیر، مالاکنڈ، شانگلہ اور گرد و نواح میں بھی 4.9 شدت کا زلزلہ آیا ہے۔ محکمہ موسمیات کے مطابق گلگت بلتستان کے علاقے غذر میں بھی زلزلہ محسوس کیا گیا۔ زلزلے کے جھٹکوں کے بعد لوگ کلمہ طیبہ کا ورد کرتے ہوئے گھروں سے باہر نکل آئے۔ زلزلے سے تاحال کسی جانی و مالی نقصان کی کوئی اطلاع نہیں ملی۔
مزید خبریں :
