01 دسمبر ، 2020 
بختاور نے اپنی منگنی کی تقریب کی خوبصورت جھلکیاں شیئر کر دیں
01 دسمبر ، 2020
سابق وزیراعظم شہید بینظیر بھٹو اور سابق صدر آصف علی زرداری کی بیٹی بختاور بھٹو زرداری نے اپنی منگنی کی مختصر ویڈیو شیئر کر دی۔
گزشتہ دنوں بختاور بھٹو زرداری کی دبئی میں مقیم بزنس مین محمود چوہدری کے ساتھ منگنی ہوئی۔
منگنی کے دن بختاور نے خاکستری رنگ کی مغلیہ شال کے ہمراہ گلابی رنگ کا ڈیزائنر ندا ازور کا خوبصورت لباس زیب تن کیا تھا۔
بختاور بھٹو نے اپنی منگنی کی تصویر بھی انسٹاگرام پر شیئر کی تھی جسے مداحوں کی جانب سے بے حد پسند کیا گیا تھا۔
اب بختاور بھٹو نے انسٹاگرام اکاؤنٹ پر اپنی منگنی کی تقریب کی خوبصورت جھلکیاں شیئر کی ہیں۔
سلو موشن ویڈیو میں دیکھا جا سکتا ہے کہ بختاور اپنے والد آصف زرداری کا ہاتھ تھامے ہوئے آرہی ہیں اور ساتھ ہی ان کی بہن آصفہ بھٹو بھی موجود ہیں۔
ویڈیو کے بیک گراؤنڈ میں ایک گانا بھی لگا ہوا ہے جسے خاص بختاور بھٹو کے لیے ہی بنایا گیا ہے۔
بختاور بھٹو کی منگنی کی اس خوبصورت ویڈیو کو مداحوں کی جانب سے خوب پسند کیا جا رہا ہے۔
