15 ستمبر ، 2012 
صدر زرداری چترال آسکتے ہیں نہ نواز شریف، عمران خان
15 ستمبر ، 2012
چترال… تحریک انصاف کے سربراہ عمران خان نے کہا ہے کہ آج گلگت چترال سے آگے نکل چکا ہے،جس کی وجہ قراقرم کا ہائی وے ہے۔ چترال میں ایک جلسے سے خطاب کرتے ہوئے انہوں نے کہا کہ یہاں نہ صدرآصف زرداری آسکتے ہیں اور نہ ہی نوازشریف آسکتے ہیں۔ ان کا کہنا تھا کہ عوام کا پیسہ ملتان پربھی لگا اور لوگوں کی جیبوں میں بھی گیا، لاہور کی 22 کلومیٹرکی سڑک پر 37 ارب روپے خرچ کیے گئے عمران خان نے کہا کہ آج سب تبدیلی چاہتے ہیں، تمام لوگ انصاف کا نظام چاہتے ہیں ۔انہوں نے کہا کہ تحریک انصاف 7 ستمبر کو ریلی وزیرستان لے جائے گی، ریلی میں بین الاقوامی انسانی حقوق کی تنظیموں اور صحافیوں کو بھی لے کے جائیں گے اور باہر سے آنے والے افراد کو ڈرون حملوں سے متاثرہ افراد سے ملاقات کروائیں گے۔
مزید خبریں :
