20 دسمبر ، 2020 
پاکستان
جس کا دل چاہتا ہے آئےلانگ مارچ کرے، ہم استقبال کیلئے تیار ہیں، شیخ رشید
20 دسمبر ، 2020
وفاقی وزیر داخلہ شیخ رشید نے اپوزیشن کو پیش کش کی ہےکہ جس کا دل چاہتا ہے آجائے،لانگ مارچ کرے، ہم استقبال کےلیے تیار ہیں۔
اسلام آباد میں ایک تقریب سے خطاب کرتے ہوئے شیخ رشیدکا کہنا تھا کہ فروری میں استعفے دینے والے کل استعفے دے دیں اور اپنا شوق پورا کریں۔
شیخ رشیدکاکہنا تھاکہ ڈنکے کی چوٹ پرکہتا ہوں کہ وزیراعظم عمران خان 5 سال پورے کریں گے۔
ان کا کہنا تھا کہ ملک کو معاشی و سیاسی حالات سے نکال کرعمران خان قوم کو آگے لےکر جائیں گے اور ملک کی معیشت کو بھی بہتر کریں گے۔
