18 ستمبر ، 2012 
ٹی20ورلڈ کپ:سری لنکا نے زمبابوے کو 82رنز سے ہرادیا
18 ستمبر ، 2012
ہمبنٹوٹا،سری لنکا… ٹی 20 ورلڈ کپ کے افتتاحی میچ میں میزبان سری لنکانے زمبابوے کو82 رنز سے ہرا دیا۔ مہندا راجہ پکسے انٹرنیشنل کرکٹ اسٹیڈیم ،سوریاوائیوا،ہمبنٹوٹا میں کھیلے جانیوالے اس میچ میں سری لنکا نے زمبابوے ٹیم کو جیت کے لیے 183 رنز کا ہدف دیا تھا تاہم مشرقی افریقی الیون ،آئی لینڈر بولروں کی جادوئی اسپن بولنگ کا جادو نہ سمجھ سکے اور یکے بعد دیگر پویلین لوٹتے رہے۔اجنتا مینڈس نے بہترین بولنگ پرفارمنس کا مظاہر ہ کرتے ہوئے چھ وکٹیں اپنے نام کیں،جبکہ جیون مینڈس نے تین وکٹیں لیں،ایک وکٹ فاسٹ بولر لسیتھ ملینگا کے حصے میں آئی۔زمبابوے کی جانب سے صرف مساکڈزا20، چکمبرا 19اورکریمیر 17 کے علاوہ کوئی اور بیٹسمین خاطرخواہ اسکور کرنے میں کامیاب نہ ہوسکا۔میچ میں بہترین پرفارمنس پر اجنتا مینڈس کو مین آف دی میچ قرار دیا گیا۔
