24 جنوری ، 2021 
حکومت نے 185 ارب روپے مالیت کی سرکاری زمین واگزار کروالی، عثمان بزدار
24 جنوری ، 2021
وزیر اعلیٰ پنجاب عثمان بزدار نے کہا ہے کہ پنجاب میں اب تک تقریباً 185 ارب روپے مالیت کی سرکاری زمینیں قبضہ مافیا سے چھڑوا کر قانونی کارروائی شروع کر چکے ہیں۔
اپنی ٹوئٹ میں عثمان بزدار کا کہنا تھا کہ ریاست کو اپنی باندی سمجھنے اور ریاست کی ملکیتی اثاثوں کو مالِ مفت کی طرح ہڑپ کرنے والوں کو حساب دینا پڑے گا۔
انہوں نے کہا کہ پنجاب میں اب تک تقریباً 185 ارب روپے مالیت کی سرکاری زمینیں قبضہ مافیا سے چھڑوا کر قانونی کارروائی شروع کر چکے ہیں اور یہ آپریشن مستقبل میں بھی اسی طرح جاری رہے گا۔
خیال رہے کہ لاہور کی ضلعی انتظامیہ نے کھوکھر پیلس کے ارد گرد آپریشن مکمل کرکے 38کنال زمین واگزار کرا لی جبکہ ضلعی انتظامیہ کا دعویٰ ہےکہ اس زمین پرغیرقانونی قبضہ کیا گیا تھا۔
