پاکستان
22 ستمبر ، 2012
22 ستمبر ، 2012 
کراچی:صرف ضلع جنوبی سے87شرپسند گرفتار کئے گئے، پولیس
22 ستمبر ، 2012
کراچی… کراچی میں پرتشدد کارروائیوں کے دوران صرف ضلع جنوبی سے 87شرپسندوں کو گرفتار کیا گیا۔ ایس اسی پی ساوٴتھ آصف شیخ کے مطابق بوٹ بیس تھانے کی حدود سے 34، پریڈی تھانے کے حدود سے 12، کھارا در سے 18، نبی بخش سے 8، سول لائن سے 4 ، عیدگاہ سے 2، ڈیفنس سے 5، گزری سے 3 اور بلوچ کالونی سے ایک ملزم کو گرفتار کیا گیا۔ انہوں نے کہا کہ سول لائن چوک پرایس پی کی نگرانی میں بھاری نفری تعینات تھی، ایکشن کیوں نہیں لیا اس کی تحقیقات کی جارہی ہے۔ ایک سوال کے جواب میں انہوں نے کہا کہ گذشتہ روز کے پرتشدد ہنگاموں کے دوران رینجرز اور ایف سی کہاں غائب تھی، یہ سوال مجھ سے نہیں اعلیٰ حکام سے پوچھا جائے، ڈی سی ساوتھ وائرلیس پررینجرز کو طلب کرتے رہے، مگرکوئی نہیں آیا۔
مزید خبریں :
