27 جنوری ، 2021 
بختاور نے شادی کیلئے ہاتھوں پر مہندی لگوالی، بلاول ہاؤس بھی سج گیا
27 جنوری ، 2021
سابق صدر آصف علی زرداری اور سابق وزیراعظم مرحومہ بے نظیر بھٹو کی صاحبزادی بختاور بھٹو زرداری کی رسم حنا کی تقریب بلاول ہاؤس میں ہوئی۔
بختاور کی شادی کے سلسلے میں بلاول ہاؤس کراچی سج گیا ہے جبکہ تقریبات کا آغاز بھی گزشتہ دنوں محفل میلاد سے ہوا تھا۔
بختاور کی مہندی کی بھی رسم ہوئی جس میں خاندان کے چند افراد نے ہی شرکت کی۔
اس سے قبل بختاور بھٹو زرداری نے اپنے انسٹاگرام پر اسٹوری شیئر کی ہے جس میں وہ ہاتھوں پر مہندی لگوا رہی ہیں۔
دوسری جانب پاکستان پیپلزپارٹی کے چیئرمین بلاول بھٹو زرداری نے بہن بختاور بھٹو زرداری کی شادی پر مبارکباد دینے والوں سے اظہار تشکر کیا۔
بلاول کا کہنا تھا کہ کورونا کے پیش نظر تقریبات میں کم مہمانوں کو مدعو کیا ہے، افسوس ہے ایس اوپیز کے سبب بہت سے معززافراد کو دعوت نہیں دے سکے۔
انہوں نے اعلان کیا کہ اسلام آباد، لاہور اور لاڑکانہ میں بھی شادی کی تقریبات کا انعقاد کیا جائے گا جس میں معززین، دوست اورپی پی پی فیملی کے افراد شریک ہوسکیں گے۔
