23 فروری ، 2021
بھارتی ٹی وی کے اداکار اندرا کمار کی ان کے گھر سے لاش ملی ہے۔
بھارتی میڈیا رپورٹس کے مطابق اندرا کمار چنئی میں اپنے دوست کے گھر میں موجود تھے جہاں ان کے دوست ملنے گئے تو وہ مردہ حالت میں پائے گئے۔
پولیس نے لاش پوسٹ مارٹم کیلئے منتقل کردی ہے جبکہ ابتدائی تحقیقات میں پولیس نے اداکار کی موت کو خودکشی قرار دیا ہے۔
رپورٹس میں کہا گیا ہے کہ اندرا کمار کا تعلق سری لنکا سے تھا اور چنئی میں مہاجرین کے کیمپ میں رہتے تھے۔
رپورٹس میں کہا گیا ہے کہ 25 سالہ اداکار نے شادی بھی کررکھی اور ان کا ایک بیٹا تھا۔
خیال رہے کہ اندرا کمار نے ٹی وی کے علاوہ کئی تامل فلموں میں بھی کام کیا ہے۔