28 فروری ، 2021 
دھاگے کی قیمتوں میں اضافے کے برآمدت پر منفی اثرات
28 فروری ، 2021
صنعتکاروں نے حکومت سے دھاگے کی درآمد کو مکمل طور پر ڈیوٹی فری کرنے اور بھارت سے دھاگہ منگوانے کی اجازت دینے کا مطالبہ کر دیا۔
ٹیکسٹائل انڈسٹری کی برآمدات بڑھنےکے بعد سوتی اور پولیسٹر دھاگے کی قیمتوں میں اضافے نے برآمدات پر منفی اثرات مرتب کیے ہیں۔
فیصل آباد کی ٹیکسٹائل فیکٹریوں اور کارخانوں کی مشنیوں پر دن رات مصنوعات کی تیاری کے لیے خام مال کی کمی ایک چیلنج بنتا جا رہا ہے، عدم دستیابی کی وجہ سے خام مال مہنگا اور برآمدکنندگان کی پیداواری لاگت کے تخمینے سے باہر ہو چکا ہے۔
جیو نیوز سے گفتگو کرتے ہوئے ایک صنعتکار کا کہنا تھا کہ ہماری ایکسپورٹ بہت زیادہ مشکلات کا شکار ہونے والی ہے، پچھلے 2 مہینے کا ڈیٹا دیکھیں تو جو پچھلے 6 مہینے سے اضافے کی طرف تھا آہستہ آہستہ زوال کا شکار ہونا شروع ہو گیا ہے، آگے جو دھاگے کی قیمتیں بڑھ گئی ہیں تو میں سمجھتا ہوں کہ اس کا ردعمل بہت زیادہ آئے گا۔
صعنتکار کہتے ہیں کہ خام مال کی عدم دستیابی کے مسئلے کے حل کے لیے وہ حکومت کو تجاویز دے چکے ہیں، رزاق داؤد صاحب کو بارہا یہ کہا گیا ہے کہ خام مال کی قلت کم کرنے کے لیے بھارت سے کاٹن یارن کی امپورٹ کی اجازت دی جائے لیکن انہوں نے کہا ہے کہ ہم ازبکستان اور ترکمانستان کے راستے امپورٹ کی اجازت دے سکتے ہیں جس کی وجہ سے آئندہ چند ماہ ہمیں خام مال میں قلت کا سامنا کرنا پڑے گا۔
فیصل آباد کے صنعتکاروں نے حکومت سے مطالبہ کرتے ہوئے کہا ہے کہ ٹیکسٹائل کی صنعت کو خام مال کی عدم دستیابی کا جو مسئلہ درپیش ہے اس کا فوری حل نکالا جائے۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
