16 مارچ ، 2021 
کھیل
توصیف احمد کو اتوار کی شب لاہور میں شادی کی تقریب میں دل کا دورہ پڑا تھا— فوٹو:فائل
سابق ٹیسٹ کرکٹر توصیف احمد کے دل میں دو اسٹنٹ ڈال دیے گئے
16 مارچ ، 2021
سابق ٹیسٹ کرکٹر توصیف احمد کے دل میں دو اسٹنٹ ڈال دیے گئے۔
توصیف احمد کو اتوار کی شب لاہور میں شادی کی تقریب میں دل کا دورہ پڑا تھا جس کے بعد وہ پنجاب انسٹیٹیوٹ آف کارڈیالوجی میں زیر علاج ہیں جہاں منگل کو اُن کے دل میں دو اسٹنٹ ڈالے گئے۔
اُن کے بھتیجے سیف الدین کے مطابق توصیف احمد کی حالت اب بہتر ہے۔
دوسری جانب پاکستان کرکٹ بورڈ (پی سی بی) نے سابق ٹیسٹ آف اسپنر کے علاج کے اخراجات اُٹھانے کا اعلان کیا ہے۔
پی سی بی کے مطابق توصیف احمد پاکستان کرکٹ کا اثاثہ ہیں، اس حوالے سے توصیف احمد سے مکمل رابطے میں ہیں۔
بورڈ کا کہنا ہے کہ جب تک توصیف احمد سفر کے قابل نہیں ہوتے اُن کو نیشنل ہائی پرفارمنس سینٹر میں رکھا جائے گا۔
