17 مارچ ، 2021 
پاکستان
نیب نے مریم نواز کو ایک بار پھر طلب کر لیا
17 مارچ ، 2021
نیب لاہور نے چوہدری شوگر ملز کیس میں مسلم لیگ ن کی نائب صدر مریم نواز کو دوبارہ طلب کر لیا ہے۔
نیب لاہور نے چوہدری شوگر ملز کیس میں مریم نواز کو 26 مارچ کو پیش ہونے کا حکم دیا ہے۔
خیال رہے کہ چوہدری شوگر ملز کیس میں مریم نواز آخری بار 11 اگست 2020 کو نیب لاہور میں پیش ہوئی تھیں۔
گزشتہ روز نیب لاہور کی جانب سے مریم نواز کے بیان پر وضاحتی بیان جاری کیا گیا تھا جس میں کہا گیا تھا کہ مریم نواز کی سیاسی مصروفیات کے باعث انہیں کچھ وقت کے لیے طلب نہ کرنے کا فیصلہ کیا گیا لیکن اس کا ناجائز فائدہ اٹھایا گیا اور مستقل طور پر احتساب کے عمل کو چیلنج کیا جاتا رہا۔
