18 مارچ ، 2021 
پی ڈی ایم غیر فطری اتحاد اور بے وقت کی راگنی تھی: فردوس عاشق
18 مارچ ، 2021
لاہور: وزیر اعلیٰ پنجاب کی معاون خصوصی برائے اطلاعات فردوس عاشق اعوان نے پی ڈی ایم کو غیر فطری اتحاد قرار دیا ہے۔
لاہور میں میڈیا سے گفتگو کرتے ہوئے فردوس عاشق اعوان نے کہا کہ مریم نواز ابو بچاؤ مہم کے لیے حکومت کو گھر بھیجنے کے دعوے کرتی رہیں حالانکہ پی ڈی ایم غیر فطری اتحاد اور بے وقت کی راگنی تھی۔
انہوں نے کہا کہ ایک کٹھ پتلی ایم این اے نے بیان دیا کہ ہم پاکستان کھپے کا نعرہ نہیں لگائیں گے، جو دوائی لینے گئے تھے ان کی بیٹی نے اعتراف جرم کیا کہ ان کی جان کو نیب سے خطرہ ہے۔
معاون خصوصی کا کہنا تھا کہ اسحاق ڈار کمزور دل اور کمزور ایمان والا بندہ ہے جب کہ بہتان عباسی نے سرکاری وسائل کا استعمال کرتے ہوئے اسحاق ڈار کو فرار کرایا، اسحاق ڈار کے وعدہ معاف گواہ بننے کا خطرہ ہے، شہباز شریف کی معنی خیز خاموشی عکاسی کر رہی ہے کہ گھر کے اندر شگاف پڑ چکے ہیں۔
