30 ستمبر ، 2012 
ٹی ٹوئنٹی ورلڈ کپ ،آسٹریلیا نے جنوبی افریقا کو8وکٹوں سے ہرادیا
30 ستمبر ، 2012
کولمبو…آئی سی سی ٹی ٹوئنٹی کے سپر ایٹ مرحلے میںآ سٹریلیا نے جنوبی افریقا کو8وکٹوں سے شکست دے کر جنوبی افریقا کو ورلڈکپ کی دوڑ سے تقریباً باہر کر دیاہے۔آسٹریلوی کپتان نے ٹاس جیت کر پہلے جنوبی افریقا کو بیٹنگ کی دعوت دی۔جنوبی افریقا نے مقررہ20اوورز میں5وکٹوں کے نقصان پر146رنز بنائے جس میں روبن پیٹر سن کے32،فرحان31اور پال ڈیمنی کے 30رنز شامل تھے۔آسٹریلیا کی جانب سے ڈوہارتھی نے3اور واٹسن نے 2وکٹیں حاصل کیں۔جواب میں فاتح ٹیم آسٹریلیا نے مطلوبہ ہدف14گیندیں قبل ہی صرف دو وکٹوں پر حاصل کر لیا جس میں شین واٹسن کے شاندار70رنز شامل تھے،انہیں مین آف دی میچ کے ایوارڈ سے بھی نوازا گیا جبکہ مائیکل ہسی نے45رنز کی اننگز کھیلی اور اپنی ٹیم کو دوسری فتح دلوادی اور اپنی ٹیم کو اگلے مرحلے تک پہنچادیا ہے۔
مزید خبریں :
