Can't connect right now! retry

پاکستان
03 مئی ، 2021

لاہور میں مقیم 25 سالہ برطانوی نژاد پاکستانی لڑکی کی پراسرار موت

لاہور میں مقیم 25 سالہ برطانوی نژاد پاکستانی لڑکی کی پراسرار موت، دو ماہ قبل برطانیہ سے آنے والی ماہرہ ڈیفنس میں اپنی دوست کے ساتھ رہائش پذیر تھی۔

 آج دوپہر ملازمہ صفائی کے لیے کمرے میں داخل ہوئی تو ماہرہ کی لاش بیڈ پر پڑی تھی، پولیس کے مطابق لڑکی کو گلا دباکر اور سر میں گولی مار کر قتل کیا گیا ہے۔

ابتدائی تفتیش میں زيادتی یا ڈکیتی میں مزاحمت کے شواہد نہیں ملے ، مقتولہ کے والدین اور بہن بھائی لندن میں رہتے ہیں۔

پولیس کےمطابق دن 12 بجے ملازمہ صفائی کے لیے کمرے میں آئی تو بیڈ پر ماہرہ کی لاش پڑی تھی جسے گلا دبا کر اور سر میں گولی مار کر قتل کیا گیا تھا۔

اطلاع ملنے پر پولیس اور فرانزک ٹیموں نے موقع پر پہنچ کر شواہد محفوظ کر لیے۔ ذرائع کے مطابق مقتولہ کی نانی پاکستان میں جبکہ والدین اور دو بہن بھائی لندن میں رہتے ہیں۔

مقتولہ دو ماہ قبل پاکستان آئی تھی اور بالائی منزل پر مقیم تھی۔ پولیس کے مطابق زیادتی یا ڈکیتی میں مزاحمت پر قتل کے کوئی شواہد نہیں ملے ، لاش پوسٹ مارٹم کے لیے بھیج دی ہے،    اصل صورتحال پوسٹ مارٹم رپورٹ میں سامنےآئے گی۔

پولیس کے مطابق واقعے کی مختلف پہلوؤں سے  تحقیقات کی جارہی ہیں، نا معلوم افراد کے خلاف مقدمہ درج کرلیا گیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM