ترین گروپ کے وفد نے ملاقات میں وزیراعلیٰ پنجاب پر اعتماد کا اظہار کیا، فردوس عاشق

وزیراعلیٰ پنجاب عثمان بزدار کی معاون خصوصی برائے اطلاعات فردوس عاشق اعوان کا کہنا ہے کہ جہانگیر ترین گروپ کے وفد نے ملاقات میں وزیراعلیٰ پنجاب پر اعتماد کا اظہار کیا، ڈیڈ لائن یا دوسرا کوئی بیانیہ نہیں تھا۔

انہوں نے کہا کہ ترین گروپ کے ایک رکن کے تحفظات پر جہانگیر ترین کو خود وضاحت کرنی چاہیے تھی۔

جہانگیر ترین گروپ کے ارکان نے عمران خان پر اعتماد کا اظہار کیا ہے، فواد چوہدری

فیصلہ کیا ہے کہ معاملات مل بیٹھ کر حل کریں گے، نہ جہانگیر ترین ریلیف مانگیں گے نہ عمران خان ایسا کریں گے، وزیر اطلاعات

خیال رہے کہ جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے ترین گروپ کے رکن اسمبلی نذیر چوہان کا کہنا تھا کہ وزیراعلیٰ پنجاب کو کارکردگی دکھانے کے لیے ایک مہینہ دیا ہے، اگر وہ ڈیلیور نہ کرسکے تو ہمارا گروپ جو کرے گا وہ سب دیکھیں گے، ڈلیور کرنے کا کہتے کہتے تھک چکے ہیں۔