30 مئی ، 2021 
جب معیشت اوپر جارہی ہے تو اپوزیشن احتجاج کی کال کیوں دے رہی ہے؟ فواد چوہدری
30 مئی ، 2021
وفاقی وزیراطلاعات فوادچوہدری کا کہنا ہےکہ جب معیشت اوپر جارہی ہے ،عام آدمی کی حالت بدل رہی ہے تو اپوزیشن احتجاج کی کال کیوں دے رہی ہے؟ ایسی سیاست کا فائدہ کس کو ہوگا؟
ایک بیان میں فواد چوہدری کا کہنا تھا کہ طویل انتظار کے بعد معاشی پالیسیوں کے مثبت نتائج سامنے آنا شروع ہو گئے ، پیپلزپارٹی اور ن لیگ نےمعیشت کاجوحشرکیااس سے معاشی تکلیفوں کاسامناکرناپڑا۔
فواد چوہدری کا کہنا تھا کہ ملک کی تاریخ میں پہلی بار4ہزارارب روپےسےزیادہ ٹیکس اکٹھاہوا،بیرون ملک پاکستانیوں نےمعیشت کوپاؤں پرکھڑاکرنے میں بھرپور حصہ ڈالا ، بیرون ملک پاکستانیوں نےایک ہزارارب روپے پاکستان بھیجے۔
ان کا کہنا تھا کہ گندم، چاول، گنا اور مکئی کی تاریخی پیداوار ہوئی، زرعی معیشت میں 1100 ارب روپیہ منتقل ہوا، کسانوں کی قوت خرید میں بھرپور اضافہ ہوا، ٹریکٹر64 فیصد زیادہ فروخت ہوئے، کھاد اور زرعی ادویات کے استعمال میں اضافہ ہوا، اسٹاک مارکیٹ نے27 مئی کو2.21ارب شیئرزکی خریدو فروخت کانیاریکارڈقائم کیا،اس وقت پاکستان کی مارکیٹ دنیا کی بہترین مارکیٹ ہے۔
وزیر اطلاعات کا کہنا تھا کہ معیشت اوپرجارہی ہےاورعام آدمی کی حالت بدل رہی ہے، تواپوزیشن احتجاج کی کال کیوں دے رہی ہے؟ ایسی سیاست کا فائدہ کس کو ہوگا؟
