19 جون ، 2021 
نواز شریف ملک سے فرار ہیں، انہیں واپس لانا ہے تاکہ سزا پوری کریں، فواد چوہدری
19 جون ، 2021
وفاقی وزیر اطلاعات فواد چوہدری نے کہا ہے کہ سابق وزیراعظم نوازشریف اور ان کی بیٹی مریم نواز کو کرپشن کے مقدمات میں سزا ہو چکی ہے۔
اسکردو میں صحافیوں سے گفتگو میں فواد چوہدری کا کہنا تھاکہ گلگت بلتستان سی پیک کے اہم روٹ پر ہے لیکن ماضی کی حکومتوں نے گلگت بلتستان کے انفراسٹرکچر پر کوئی توجہ نہیں دی۔
انہوں نے کہا کہ ہماری حکومت میں سیاحت کو فروغ ملا ہے، پی آئی اے نے ماضی کے مقابلے زیادہ فلائٹس کھولی ہیں۔
وفاقی وزیر اطلاعات کا کہنا تھاکہ نوازشریف اور مریم نواز کو کرپشن کے مقدمات میں سزا ہو چکی ہے جبکہ نواز شریف ملک سے فرار ہیں، انہیں واپس لانا ہے تاکہ سزا پوری کریں۔
ان کا کہنا تھاکہ نواز شریف کو جیل میں نہیں رکھنا چاہتے، چاہتے ہیں کہ وہ لوٹی ہوئی رقم واپس کریں۔
فواد چوہدری کا کہنا تھاکہ عدالت سے شہبازشریف کے کیس کی روزانہ کی بنیاد پر سماعت کی درخواست کرچکے ہیں۔
مزید خبریں :
ایران اسرائیل جنگ سے بلوچستان کیوں متاثر ہورہا ہے؟
3 گھنٹے پہلے
