08 جولائی ، 2021 
جسٹس فائز عیسٰی نظر ثانی کیس،درخواست پر اعتراض عائد ہونےکیخلاف حکومت نے اپیل دائرکردی
08 جولائی ، 2021
سپریم کورٹ کے جسٹس قاضی فائز عیسٰی نظر ثانی کیس میں حکومتی درخواست پر اعتراض عائد ہونے کے خلاف حکومت نے اپیل دائرکردی۔
ذرائع کے مطابق رجسٹرار آفس کے اعتراضات کیخلاف وفاقی حکومت نے اپیل سپریم کورٹ میں دائر کر دی ہے۔
اپیل میں کہا گیا ہے کہ رجسٹرار آفس کا 25 مئی کا فیصلہ کالعدم قرار دیا جائے،رجسٹرار آفس کے اعتراضات ختم کرکے کیس سماعت کیلئے مقرر کیا جائے،رجسٹرار آفس کے اعتراضات خلاف قانون ہیں۔
خیال رہے کہ حکومت نے جسٹس قاضی فائز عیسٰی کیس کے 26 اپریل کے فیصلے پر نظرثانی کی استدعا کر رکھی ہے جس میں مؤقف اختیار کیا گیا تھا کہ ایف بی آر کو جائیدادوں کی تحقیقات سے اور کارروائی سے نہیں روکا جا سکتا تاہم رجسٹرار آفس نے درخواست اعتراضات لگا کر واپس کردی تھی۔
رجسٹرار آفس نے نظر ثانی کیس میں دوسری بار نظر ثانی اور تضحیک آمیز الفاظ کے استعمال پر درخواست دائر کرنے کا اعتراض عائد کیا تھا۔
