12 جولائی ، 2021 
جوڈوکا شاہ حسین شاہ اولمپکس میں والدکی روایت برقرار رکھنے کیلئے پر اُمید
12 جولائی ، 2021
1988سیئول اولمپکس میں پاکستا ن کیلئے آخری مرتبہ انفرادی اولمپکس میڈل جیتنے والے باکسر حسین شاہ کے بیٹے شاہ حسین شاہ ٹوکیو اولمپکس میں پاکستان کیلئے میڈل جیتنے کیلئے پر اُمید ہیں۔
شاہ حسین شاہ کا کہنا ہے کہ اُن کی خواہش ہے کہ وہ انٹرنیشنل مقابلوں میں اپنے والد کی وراثت کو برقرار رکھیں۔
27 سالہ شاہ حسین شاہ ٹوکیو اولمپکس میں جوڈو کے مقابلوں میں حصہ لیں گے، ان کی پہلی فائٹ 29 جولائی کو ہوگی ۔
جیو نیوز کو انٹرویو دیتے ہوئے شاہ حسین شاہ کا کہنا تھا کہ ریو اولمپکس کے بعد سے انہوں نے کافی محنت کی ہے اور وہ اب ایک مختلف ایتھلیٹ ہیں۔
اُن کا مزید کہنا تھا کہ ٹوکیو اولمپکس کیلئے کافی محنت کی ہے ، یہ پاکستان کیلئے کافی اہم ایونٹ ہے اور ان کی کوشش ہوگی کہ والد کی طرح میڈل جیت کر پاکستان کا نام روشن کریں۔
ان کے والد حسین شاہ کا کہنا ہے کہ ان کا بیٹا پاکستان کیلئے میڈل جیت کر پاکستان کا نام روشن کرے گا۔
یاد رہے کہ شاہ حسین شاہ کے والد حسین شاہ نے 1988 میں پاکستان کیلئے سیئول اولمپکس میں باکسنگ میں کانسی کا تمغہ جیتا تھا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
