14 جولائی ، 2021 
غیر ملکی افواج سے غاصبوں جیسا سلوک ہوگا،ترکی کے فیصلے پر طالبان کا ردعمل
14 جولائی ، 2021
افغان طالبان نےکابل ائیرپورٹ کی سیکیورٹی کیلیے ترک افواج کی تعیناتی کی مخالفت کرتے ہوئے کہا ہےکہ ترکی کے حکمرانوں نے یہ اعلان امریکی مطالبے پر کیا ہے اس سے دو طرفہ تعلقات کو نقصان پہنچےگا۔
ترجمان افغان طالبان کا کہنا ہےکہ ترکی کے حکمرانوں نے اپنی افواج کی تعیناتی کے تسلسل کا اعلان کیا، ترک حکام کا یہ فیصلہ ایک غیرسنجیدہ اقدام ہے، یہ فیصلہ ہماری قوم ، ملکی خودمختاری اور علاقائی سلامتی کےمنافی ہے۔
ترجمان کا کہنا ہےکہ ترک حکام سے پرزور مطالبہ ہےکہ اس فیصلے کو واپس لیں، غیرملکی افواج کی موجودگی چاہےکسی بھی ملک اور نام سے ہو وہ جارحیت ہے، ایسی غیرملکی افواج کے ساتھ علماء کے فتوے کی بنیاد پر غاصبوں جیسا سلوک کیا جائے گا۔
ترجمان افغان طالبان کا مزید کہنا تھا کہ ہم کسی کے امور میں نہ مداخلت کرتے ہیں نہ اپنے امور میں مداخلت کی اجازت دیتے ہیں،ترک حکام نے نظرثانی نہ کی تو امارات اسلامیہ اور افغان قوم اس کے خلاف ڈٹ جائیں گے۔
خیال رہے کہ افغان میڈیا رپورٹس کے مطابق ترکی اور امریکا کابل ائیرپورٹ کی سیکیورٹی کے دائرہ کار پر متفق ہوگئےہیں۔افغان سول ایوی ایشن کا کہنا ہے کہ کابل کےحامد کرزئی ائیرپورٹ پرنیاڈیفنس سسٹم فعال کردیاگیا ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
