20 جولائی ، 2021
کہتے ہیں کہ پالتو جانور اپنے مالک کی ہر سرگرمی پر نظر رکھتے ہیں اور انہیں اپنانے کی کوشش کرتے ہیں اور پھر اگر وہ کتے جیسا وفادار جانور ہو تو بات ہی کچھ اور ہوتی ہے۔
سوشل میڈیا پر 'سیکریٹ' نامی آسٹریلوی شیفرڈ کی ایک ویڈیو وائرل ہورہی ہے جو اتنی مہارت سے پینٹنگ کررہا ہے کہ ہر دیکھنے والا اپنی آنکھوں پر بمشکل ہی یقین کرسکے گا۔
یہ ویڈیو مائی اوزی گل (my_aussie_gal) نامی انسٹاگرام اکاؤنٹ سے شیئر کی گئی جو بلاشبہ سیکریٹ کی مالکن چلاتی ہیں۔
پوسٹ کے کیپشن میں لکھا کہ 6 سالہ سیکریٹ نے یہ سورج مکھی کا پھول یا شاید گلِ داؤدی کا پھول بنایا ہے۔
کیپشن میں مزید لکھا تھا کہ سیکریٹ نے رنگوں کی ٹیوب اور برش کا انتخاب خود کیا۔
صارفین کی جانب سے اِس ویڈیو کو بے حد پسند کیا جارہا ہے۔