14 اگست ، 2021 
پاک افغان ون ڈے سیریز کو تاحال حتمی شکل نہ دی جا سکی
14 اگست ، 2021
پاکستان اور افغانستان کرکٹ بورڈز کے درمیان ون ڈے سیریز کا شیڈول تاحال طے نہیں ہو سکا ہے۔
دونوں ممالک کے کرکٹ بورڈز کے درمیان سیریز کے حوالے سے بات چیت کا سلسلہ جاری ہے لیکن تمام معاملات کو حتمی شکل نہیں دی جا سکی ہے۔
ذرائع کا کہنا ہے کہ پاکستان نے سری لنکا کے ایک ہی وینیو پر میچز کروانے کا کہہ دیا ہے جبکہ افغان کرکٹ بورڈ نے دو وینیوز پر میچز کروانے کی بات کی تھی لیکن پاکستان کرکٹ بورڈ کووڈ 19 پروٹوکولز اور بائیو سکیور ببل کی وجہ سے ایک ہی وینیو پر سیریز کا اسرار کر رہا ہے۔
ذرائع کے مطابق دونوں کرکٹ بورڈز کے درمیان سیریز کے لیے قرنطینہ کی مدت بھی طے نہیں ہو سکی ہے اور اس کے علاوہ سفری مشکلات بھی درپیش ہیں۔
خیال رہے کہ تین ون ڈے میچز کی سیریز 3 سے 9 ستمبر کے درمیان تجویز کی گئی تھی لیکن موجودہ صورتحال کی وجہ سے بھی پاکستان افغانستان کرکٹ سیریز پر خدشات کا اظہار کیا جانے لگا ہے۔
افغانستان کرکٹ بورڈ اپنے اسکواڈ کا اعلان کر چکا ہے اور بورڈ نے سیریز کی بھی تصدیق کی ہوئی ہے۔
پی سی بی ذرائع کا کہنا ہے کہ افغانستان کرکٹ بورڈ سے بات چیت جاری ہے، کئی معاملات حل طلب ہیں، اس وقت تک سیریز آن ہے، افغانستان میزبان ہے اس نے ہی شیڈول کا اعلان کرنا ہے۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
6 گھنٹے پہلے
