22 اگست ، 2021 
پاکستان
پولیس نے دو ملزمان کو گرفتار کر لیا جبکہ تیسرا فرار ہے۔ فوٹو: جیو نیوز
ملزمان کے خلاف درج مقدمے کا عکس۔
لاہور میں 3 نوجوانوں نے ساتھی فیکٹری ملازم کے جسم میں زہریلی گیس بھر دی
22 اگست ، 2021
لاہور کے علاقے باغبانپورہ میں تین نوجوانوں نے ساتھی فیکٹری ملازم کے جسم میں زہریلی گیس بھر دی۔
پولیس کے مطابق تینوں ملزموں نے نعمان کے جسم میں پائپ کے ذریعے زہریلی گیس بھری۔
پولیس کا بتانا ہے کہ دو ملزمان حیدر اور امتیاز کو گرفتار کر لیا گیا ہے جبکہ تیسرا ملزم امجد فرار ہے جس کی گرفتاری کے لیے چھاپے مارے جا رہے ہیں۔
متاثرہ نوجوان نعمان کو تشویشناک حالت میں اسپتال منتقل کر دیا گیا ہے اور متاثرہ نوجوان کے والد شاہد کی مدعیت میں مقدمہ درج کر کے تحقیقات کا آغاز بھی کر دیا گیا ہے۔
