31 اگست ، 2021 
طالبان کا مکمل کنٹرول، اقوام متحدہ کا طیارہ مزار شریف اترے بغیر اسلام آباد واپس
31 اگست ، 2021
افغانستان پر طالبان کے مکمل کنٹرول کے بعد یہ پہلی بار ہوا ہے کہ اقوام متحدہ کا اسلام آباد سے جانے والا خصوصی طیارہ مزارشریف ائیر پورٹ پر اترے بغیر واپس آگیا۔
ایوی ایشن ذرائع کے مطابق خصوصی پرواز یو این او 356 ایچ منگل کی دوپہر ٹھیک 12 بجے اسلام آباد انٹرنیشنل ائیرپورٹ سے افغانستان کے لیے روانہ ہوئی۔
ذرائع کے مطابق زیڈ ایس ایف اے این (ZS-FAN) رجسٹریشن کا یہ خصوصی طیارہ دوپہر 1:30 بجے افغانستان کے مزار شریف انٹرنیشنل ائیرپورٹ پہنچا۔
ذرائع کا بتانا ہے کہ طیارے نے مزار شریف ائیرپورٹ پر لینڈنگ نہیں کی بلکہ 22 ہزار فٹ کی بلندی سے ائیرپورٹ کے اوپر چکر کاٹ کر واپسی کا روٹ لے لیا اور یو این او کی یہ خصوصی پرواز روانگی کے 3 گھنٹے بعد واپس اسلام آباد میں لینڈ کرگئی۔
اقوام متحدہ کے کئی خصوصی طیارے اسلام آباد سے افغانستان کے کابل اور مزار شریف ائیرپورٹس کے لیے آپریٹ کر چکے ہیں۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
