یورپی یونین کا کم آمدن والے ممالک کو کورونا ویکسین کی مزید خوراکیں دینے کا اعلان

یورپی یونین نے کم آمدنی والے ممالک کو کورونا ویکسین کی مزید  20 کروڑ خوراکیں عطیہ کرنے کا اعلان کیا ہے۔

سربراہ یورپی یونین ارسلا وان نے یورپی پارلیمنٹ کو بتایا کمیشن اگلے سال کے وسط تک مزید 20 کروڑ ویکسین کی خوراکیں عطیہ کرے گا۔

یورپی یونین نے فائزر ویکسین 12 سے 15 سال کے بچوں کو لگانےکی منظوری دیدی

برطانوی میڈیا کے مطابق اس عمر کے لیے یورپی یونین میں یہ پہلی ویکسین منظورکی گئی ہے۔

انہوں نے کہا کہ یورپی یونین پہلے ہی دوسرے ممالک خاص طور پر افریقا  کو ویکسین  دینےکا وعدہ کرچکی ہے۔

انہوں  نے معاشی طور پر ترقی یافتہ ممالک  اور  غریب ممالک کے درمیان پیدا ہونے والی تفریق کو تسلیم کیا اور کہا کہ ترقی یافتہ ممالک اپنی آبادی کی اکثریت کو کورونا ویکسین فراہم کرنے میں آگے آگے ہیں جب کہ اس کے بر عکس غریب ممالک  ویکسین کے حصول کیلئے جدوجہد کررہے ہیں۔

سربراہ یورپی یونین کا کہنا تھا کہ کم آمدنی والے ممالک میں ویکسین کی  ایک فیصد سے کم خوراکیں  لگنا ناانصافی کے پیمانے کو واضح کرتی ہے۔