پاکستان
15 فروری ، 2012
15 فروری ، 2012 
تربت میں فائرنگ سے ہلاک مزدوروں کی لاشیں کراچی پہنچادی گئیں
15 فروری ، 2012
کراچی…افضل ندیم ڈوگر… بلوچستان کے شہر تربت میں نامعلوم افراد کی فائرنگ سے ہلاک ہونے والے 7مزدوروں کی لاشیں کراچی پہنچا دی گئی ہیں۔ یہ تمام افراد ایک تعمیراتی کمپنی کے لئے کام کرتے تھے اور انہیں گذشتہ روز تربت میں بلیدہ روڈ پر فائرنگ کر کے ہلاک کر دیا گیا تھا جبکہ اس کے ساتھ ساتھ تین گاڑیوں کو بھی آگ لگادی گئی تھی۔ایدھی فاوٴنڈیشن کے عملے نے ان افراد کی لاشیں سہراب گوٹھ پر واقع سرد خانے منتقل کر دی ہیں جہاں معلوم ہوا ہے کہ ہلاک شدگان میں 5کا تعلق شمالی وزیرستان، ایک کا ٹانک اور ایک کا سوات سے بتایا جا رہا ہے۔ سرد خانے پہنچنے پر ورثاء کی شناخت کے بعد ان کی لاشیں حوالے کر دی جائیں گی۔
مزید خبریں :
