امریکا اور روس کے درمیان خلا میں پہلی فلم بنانےکی دوڑ شروع ہوگئی

امریکا اور روس کے درمیان خلا میں پہلی فلم  کی عکس بندی کی دوڑ  شروع ہوگئی۔

 روسی ٹیم فلم 'The Challenge' کی شوٹنگ کے لیے  بین الاقوامی خلائی اسٹیشن روانہ ہوگئی ہے، مشن کی کامیابی پر روس خلامیں فلم بنانے والا دنیا کا پہلا ملک بن جائےگا۔

ٹام کروز یا روسی اداکارہ؟ خلا میں پہلی فلم کون شوٹ کرے گا؟

36 سالہ روسی اداکارہ یولیا پیری سلڈ 5 اکتوبر کو فلم ڈائریکٹر کلم شیپینکو کے ہمراہ انٹرنیشنل اسپیس اسٹیشن روانہ ہونگی

فلم کریو میں کل تین افراد شامل ہیں جن میں روسی اداکارہ یولیاپیریسِلڈ ، فلم ڈائریکٹر کم شیپینکو اور  معروف روسی خلا نورد انٹن شکیپلیروو شامل ہیں، یہ تینوں  12 روز تک بین الاقوامی خلائی اسٹیشن میں رہیں گے اور فلم کی شوٹنگ کریں گے ۔

یہ کسی بھی ملک کی طرف سے پہلی مرتبہ خلا میں فلم کی عکس بندی ہوگی۔

خیال رہےکہ اس سے قبل ہالی وڈ اداکار ٹام کروز  نے خلا میں فلم بنانے کا اعلان کیا تھا جس میں انہیں امریکی خلائی تحقیقاتی ادارے ناسا اور ایلن مسک کی کمپنی اسپیس ایکس کا تعاون حاصل ہوگا تاہم ان سے قبل ہی روس نے اپنی ٹیم خلا میں روانہ کردی۔