04 مئی ، 2024 
پاکستان
فوٹو: فائل
کندھ کوٹ: رینجرز اور پولیس کی کچے میں مشترکہ کارروائی، 8 ملزمان گرفتار
04 مئی ، 2024
کندھ کوٹ میں کچے کے علاقے میں ڈکیتوں اور جرائم پیشہ افراد کے خلاف پاکستان رینجرز اور سندھ پولیس نے مشترکہ کارروائی کرتے ہوئے 8 ملزمان کو گرفتار کر لیا۔
ترجمان رینجرز کے مطابق خفیہ معلومات کی بنیاد پر قتل، اقدام قتل، ڈکیتی، اغوا برائے تاوان اور دیگر جرائم میں مطلوب ملزمان کی موجودگی کی اطلاع پر چھاپا مار کارروائی کی گئی۔
ترجمان کے مطابق ملزمان کے قبضہ سے 2 ایس ایم جی رائفلیں، 2 پستول، ایک ریپیٹر اور ایک موٹر سائیکل برامد ہوئی۔ آپریشن کے دوران گینگ کے ٹھکانوں اور مورچوں کو تباہ کر دیا گیا ۔
ترجمان رینجرز کا کہنا تھا کہ گرفتار ملزمان کو مزید قانونی کارروائی کیلئے پولیس کے حوالے کر دیا گیا ہے۔
