ظاہر شاہ کو ڈپٹی چیئرمین نیب بنانے کا فیصلہ

قومی احتساب بیورو (نیب)  میں ڈائریکٹر جنرل (ڈی جی) آپریشنز کے عہدے پر موجود ظاہر  شاہ کو ڈپٹی چیئرمین نیب بنانے کا فیصلہ کیا گیا ہے۔

ذرائع کا کہنا ہے کہ صدرمملکت عارف علوی نے ظاہر شاہ کی بطور ڈپٹی چیئرمین نیب تعیناتی کی منظوری دے دی ہے۔

ڈپٹی چیئرمین نیب حسین اصغر نے عہدے سے استعفیٰ دے دیا

سرکاری ذرائع کا کہنا ہےکہ ڈپٹی چیئرمین نیب حسین اصغر نے اپنا استعفیٰ صدر عارف علوی کو بھیج دیا ہے

ذرائع کا کہنا ہے کہ نیب نے ظاہر شاہ کی ڈپٹی چیئرمین تعیناتی کی سمری وزرات قانون کو بھجوائی تھی، وزارت قانون کل ڈپٹی چیئرمین نیب کی تعیناتی کا نوٹیفکیشن جاری کرے گا۔

ذرائع کے مطابق ظاہرشاہ بطور ڈی جی آپریشن نیب ہیڈ کوارٹر میں تعینات ہیں، ڈپٹی چیئرمین کا عہدہ 4 اکتوبر کو حسین اصغر کے استعفے کے باعث خالی ہوا تھا۔